استفتاء بوجود الشات بوكس فى المنتدى

انا اشجع الفكره دي

انا بشجع فكرتك يا فهد

شكرا لاقتناعك بالفكره
وان شاء الله تاخد موضع النفيذ

انا موافق
فكرة حلوة

كويس لن في ناس اقتنعت بالفكره
ولو في اي فكرة تانيه
ياريت الكل يشارك

انا موافق علي الشات بوكس
بس يكون لكل الاعضاء مش المشرفين بس
وياريت يكون مفتوح في اوقات محدده في اليوم
علشان ما نبصش للشات ونهمل المتنتدي
ياريت تخدوا برائي وتفكروا فيه

انا موافق علي رايك ياهاني

انا مش موافق علي الشات بوكس

موضوع اننا نعمل حاجة اسمها نقاش مفنوح احسن بكتير

معظم المنتديات الكبيره بتعمل كدة

دة بيبقي شىء منظم

وياربت فهد يعملنا تجربه عن فكرته علشان يوضحهها للناس

انا رائى من راىء هانى

انا مع الشات بوكس

هيخلي الموضوعات تاخد حقها اكتر

يعني ان دلوقتي الموضوع بيبقي الكلام فيه في اول كام رد

والباقي بيقي مجرد شات بين الاعضاء

وده بينسي الموضوع زات نفسه كان ايه او اي الهدف الرئيسي منه


ارجو ان تكون فكرتي وضحت

طب ما كدة ممكن الاعضاء تتجه للشات بوكس

وينسو المواضيع اساسا زي ما حصل قبل كدة

ووائل لغي الشات بوكس

بشويه توعيه للاعضاء

الكل هيفهم وهيوازن

ان شاء الله

صح ياعصفور

هو دة قصدي يافهد

التوعيه مش هتجبر الكل ان يوزن بين الاتنين

العمليه الوديه ممكن متنفعشي

نسيت اقولك صحيح

ايه رايك في مواضيع النقاش المفتوح

ولا بلاش اكيد معترضه

انا غير موافق على الشات بوكس بصراحه لأني رافض التشييت اصلا واعتقد ان فيه شيوخ افتوا في الموضوع ده كتير "وبعض قالوا الا لو كان من اجل العلم او من اجل البيع او الشراء " هتقولولي ان التشيت هيبقى عام ومحدش هيكلم حد على الخاص والحوارات ديه اقولكم اننا كده بنفتح باب يدخلنا منه الشيطان وخلاص واعتقد كمان اننا مش هنتكلم في العلم على الشات لأن اللي عايز يفيد الناس هيفيدهم بطرق تانيه زي انه ينزل موضوع مثلا
على فكره للي يبحث في الموضوع ده هيلاقي فيه كلام كتير من الشيوخ فأرجوا من المدير انه يراجع ارائهم الاول علشان ما يكونشي سبب للفتنه .. وربنا يوفقنا لما يحبه ويرضاه
وانا مش هتلكم كتير لأن خير الكلام ما قل ودل

في الاول احب الفت انتباه الناس المسئولين عن المنتدى للفرق بين الاستفتاء واستطلاع الرأي
نتيجه الاستفتاء تكون بمثابه قانون ملزم لجميع المشاركين وغير المشاركين في الاستفتاء ولايجوز اجراء اي حوار او نقاش بعد انتهاء الاستفتاء عن تنفيذ نتيجه الاستفتاء ولا والمبرر الوحيد لعدم تنفيذ نتيجه الاستفتاء هي بطلان عمليه التصويت ذاتها
بينما استطلا الرأي لا يعدو كونه مؤشر يبين اراء الجميع ويتم بأخذ راي عينه او شريحه من الكل
فلو حد كلف نفسه وبص في اول الصفحه هيلاقي نتيجه الاستفتاء

هل توافق على وجود الشات بوكس فى المنتدى
نعم اوافق
45% [ 9 ]
لااوافق
55% [ 11 ]
مجموع عدد الأصوات : 20

وبكد يكون كل الكلام اللي بتقولوه ملوش اي لازمه غير انكوا تكونوا بتهرجوا